ADIZEren atxikimendua CREENAko zuzendaritzari

Hezkuntza-sistema publikoaren defentsan eta aniztasunaren arretaren pribatizazioaren
aurka
Azken egunotako gertaeren eta CREENA-NHEBZko zuzendaritza-taldearen dimisioaren harira,
honako adierazpen hau plazaratzen dugu, hezkuntza-sistema publiko sendoaren alde eta
aniztasunaren arretaren pribatizazioaren aurkako atxikimenduak biltzeko asmoz.

1. CREENA-NHEBZko profesionalen aldeko aitortza
   Eskerrik beroenak eman nahi dizkiegu Ander Domblas García, Laura Barcos Perez, Isabel Soto
   Eneriz eta Carlos Ukar Arana profesionalei egindako lanagatik eta ildo berean lan egiten duten
   beste profesionalei. Haien profesionaltasunak eta hezkuntza publikoarekiko konpromezuak maila
   handiko eredugarritasuna erakutsi dute. Era berean, balioa ematen diegu hezkuntza-premia
   bereziak dituzten ikasleen detekzioan eta esku-hartzean egindako hobekuntzei.
2. Gaur egungo hezkuntza-errealitatearen konplexutasuna
   Gaur egun ikastetxeak egoera hezitzaile askotariko eta gero eta konplexuago bati aurre egiten ari
   dira:
   ● Osasun mentaleko arazo larriak dituzten ikasleen kopurua nabarmen hazi da (antsietatea,
   depresioa, portaera autolitikoak…).
   ● Ikasteko eta izateko modu anitzak dituzten ikasleekin egunero esku hartu behar izaten
   dugu: kontzentrazio-arazoak, irakurketa-ulermeneko zailtasunak, arazo matematikoak…
   ● Ikastetxe bakoitzean aniztasunaren arloan aritzen den profesional-talde bat dago:
   orientatzaileak, PT, AL, gutxiengo kulturaletako irakasleak… Sarritan urte askotako
   esperientziarekin, beste batzuetan prestakuntza sendoarekin, baina beti konpromiso eta
   sentsibilitatearekin.
   Aniztasunaren arreta, beraz, hezkuntza publikoaren ardatz estrategikoa izan behar da.
3. Pribatizazioarekiko kezka larria: Fundación Alegria eta Hezkuntza Departamentuaren
   akordioa
   Gure kezka sakona adierazten dugu Hezkuntza Departamentuak Alegria Fundazioarekin
   sinatutako akordioaren aurrean. Akordio horren bidez, fundazio horretako langileek, haien
   irizpideen arabera, Nafarroako ikastetxe eta geletara sarbidea izango dute TEA duten ikasleak
   artatzeko. Akordio hau, aurrekari arriskutsu bat da. Gauzatuz gero, jarraian zerrendatzen ditugun
   arazoak eta beldurrak suertatu daitezke:

• Pribatizazioa
  Zerbitzuen externalizazioa, pribatizazioa da. Beste fundazio edo elkarte espezializatuek ere
  hezkuntza-esparruan sartzeko aukera izango dute, urteak daramatzaten eta
  hezkuntza-departamentuak kontratatutako profesionalen lana ordezkatuz.
• Hezkuntza autonomiaren urraketa
  Praktikan, erakunde pribatu batek irizpide, balorazio eta esku-hartze ereduak ezar ditzake
  hezkuntza publikoko espazioetan.
• Ikastetxeen funtzioa ordezkatzea eta, are larriagoa, fiskalizazioa
  Erakunde pribatuek ez dute inolaz ere gure lana ordezkatu, eta gutxiago, gure jardunaren
  gaineko kontrolik edo fiskalizaziorik egin behar.
• Interes pribatuak lehenestea
  Fundazio hauen atzean nor dagoen jakitea ezinbestekoa da. Zergatik Alegria fundazioa eta ez
  beste bat? Akordio honekin, noren interesak babesten dira? Zer ildotan dihardute? Zer
  negozio-eredu dago hezkuntza publikoaren atzean?

1. Hezkuntza Departamentuari egiten dizkiogun eskariak
   Aniztasunaren arretarako baliabide publiko gehiago
   ● PT, AL eta gutxiengo kulturaletako benetazko beharraren araberako orduak.
   ● Eskola-psikologo figura berria ezartzea (orientatzaileak ordezkatu gabe).
   ● Gizarte-hezitzailearen figura ikastetxe guztietan.
   ● Koordinazio ordu gehiago berrikuntzarako eta esku hartze planak benetan egiteko.
   Prestakuntza publikoa eta kalitatezkoa
   Irakasleen prestakuntza lan-orduetan egin behar da, eta ez boluntariotza gisa. Ikaslesgoaren
   aniztasunari behar den erantzuna emateko prestakuntza, sakona, egituratua, ordaindua, denbora
   baliagarria eta errealarekin, hau da, benetazko eta kalitatezko formakuntzak, adituek eginak.
   Kalitatezko hezkuntza publikoa bermatzeko konpromiso irmoa
   Hezkuntza-sisteman ez da egon behar pribatizazioaren inolako zirrikiturik: aniztasunaren arreta
   zerbitzu publikoaren bidez bermatu behar da, eta ez kanpoko entitate pribatuen bidez.
   Alegría Fundazioari emandako baimenaren berrikuspena eta atzera egitea
   Kontseilariak egindako kudeaketa ikusita, beharrezkotzat jotzen dugu:
   ● Fundazioari emandako baimenean atzera egitea.
   ● Prozesuaren gardentasuna bermatzea.
   ● Azkenean, beharrezkotzat jotzen bada, kontseilariari bere dimisioa eskatzea.
2. Hezkuntza publikoa da bermea
   Aniztasunaren arreta ezin da oinarritu irakasleen borondate onean. Egituraz eta modu publikoan
   bermatu behar da. Eta horretarako ezinbestekoa da: Giza baliabide nahikoa, prestakuntza
   egokia, egiturazko babesa, eta pribatizazioaren aurkako jarrera argia. Hezkuntza publikoaren
   etorkizuna jokoan dago